البط المارته الدمياطى
وصفة البط المارته الدمياطى
بواسطة العضو "احمد"
♥مساء الفل عليكم احبابي انا جديد هنا.........واتشرفت بيكم
♥اخوكم احمد
بهديكم البط المارته الدمياطى......صحتين وهنا
♥الطريقه
♥بطه حوالى 3 كيلو الا ربع
♥مغسوله ومتنضفه كويس اوى بالملح والدقيق والخل وعصره لمونه
♥من جوه ومن بره تنظيف كويس جدا..وبعدين بتتصفى فى مصفى من الميه مكان الغسيل
♥بنحضر نص كيلو من البصل واخدته فى الكبه فرمه بسيطه لا ناعم ولا خشن وسط
♥وضيفت عليه 2 ملعقه كمون..وفلفل ابيض ورشه قرفه وبهارات ورشه فلفل اسود ومعلقتين ملح.....وقليل من الزيت...وقلبتهم فى بعض كويس اوى..........وابتديت احشى البطه من الداخل كويس جدا لحد الزور.........وخيطتها من الزور ومن الخلف عشان لما تتسلق...........ما تنزلش الخلطه منها.....في بعض الناس بتحط زبيب مع الخلطه او بيشوحو البصل مع البهارات الاول عشان تعلى التست..........
♥بنحضر حله ونملاها ميه حتى المنتصف وفيها ورق لورا وكمون وبصله وحبهان وفلفل حصى كم واحده كده..........بتغلى بنزل بالبط فيها............بيستوى
♥بخده فى الطاسه فى زبده وزيت واحمره..او بحضر معلقه صلصه طماطم مع زعتر ناشف مع ملح وفلفل ومعلقتين زيت واقلبهم كويس وادهن بيهم البطه وفى الفرن........وصحتين وعافيه♥
صورة اللهم تقبل دعائى.
ليست هناك تعليقات:
إرسال تعليق